Dokumentuaren akzioak
Euskal Dantzarien Biltzarra Buenos Aires eta Mar del Platan izango da Argentinako 2018ko Euskal Asteko partaide
Hitzaldietako lehena datorren astelehenean gauzatuko da Buenos Aires hirian, bertako Ekin Kultur Taldea elkartearen eskutik, hirian finkatuta dagoen Aitor Alava dantza-maisu arabarra buru duen Ekin dantza taldea lagun.
Bigarrena, berriz, ondoko asteartean, Llavalloleko Euskal Echea ikastetxean, hain zuzen ere bertako Euskara eta Euskal Kultura Departamentua medio eta Aitor Alava bera dantza irakasle, euskara eta euskal dantza eskolak mila ikasletik gora ematen zaizkien 1904an sortutako erakundean.
Bi kasuetan hitzaldiak hitza eta alde praktikoa izango dute, mintzaldiarekin bat "dantza-plaza" egingo baita Joseba Altuberekin batera etorritako "Ziortza eta Leire" bikotearen eskutik.
Ondoren, EDBko lehendakaria Mar del Platara joango da eta kostaldeko hiri honetara batuko diren Argentina eta inguruko euskal dantza taldeetako zuzendari eta partaideekin elkarrizketatzeko aukera izango du, 2018ko Euskal Argentinar Aste Nazionaleko ekitaldien baitan.
Ekimenak Etxepare Euskal Institutuaren laguntasuna bildu du.
Dokumentuaren akzioak
