Dokumentuaren akzioak
Euskal dantza jokoen tailerra, Soinuenean
Bihar larunbata goizeko 11:30ean haurrei eta gurasoei zuzendutako Euskal Dantza jokoen tailerra izango da, Soinuenean bertan ( Herri Musika Txokoan). Munduko kultura guztietan bezala, Euskal Herrian ere zenbait dantza haurrek jolasteko izan dira. Haurrek asmatuak? Haurrentzat asmatuak? Zeinek daki.
Hala, tailerrean horietako batzuk berreskuratu eta hurbiltzen diren haurren jostagarri izango dira. Musika zuzenean Juan Mari Beltranek joko du; dantzen maisua, berriz, Jon Iraola izango da. Eguraldi onarekin, saioa Soinueneako aurreko aldean izango da.
Herri Eskolan, auzolanean
Elizalde Herri Eskolako gurasoak auzolanean aritu dira eskolako frontoia atontzen. Paretak graffitiaz josita zeuden eta aski txukunak utzi dituzte orain.
Igandean ospatu zuten Eskolaren Egunean bertatik bertara ikus zezaketen frontoiaren gaur egungo itxura festara hurbildu ziren gainontzeko gurasoek. Horren adibide honako irudiak.
Gurasoak frontoia txukuntzen. :: GOIZARIN
Dokumentuaren akzioak
