1967 eta 1987 urteen artean jaiotako 60 emakume inguruk hartu dute parte Aurten gu be kintta! Izendatu duten ekimenean. Eta bere momentuan kinto moduan irtetea debekatu zieten arren, gaur gustura kendu dute arantzatxoa: "Gizartea ez da hainbeste aldatu, baia bai gu; ahaldunduago gaude, ahizpatasuna gero eta errotuago dago eta gaur ikusi da hori", esan dute Herriko Plazako dantza saioa amaitu ostean Mirari Irurek eta Lorea Serratok.
Izan ere, egun osoko egitarauaren puntu gorena iluntzean izan da, euri zaparrada bete-betean Herriko Plazan kintoen ohiko dantza egin dituztenean. Ez dira guztiak ausartu banakoa dantza egitera, baina bai borobilean aritzera. "Bada erronkatxoa emakumeok protagonismoa hartu eta hemen gaudela esatea. Baina borobilean egon dira dantzan eta gu babesten", azaldu dute Irurek eta erratok. Herritarren babesa ere sentitu dute: "Ez genuen espero izan dugun babesa, egunean zehar ere sentitu dugu hori".
