Espainiako Dantza Sari Nazionala irabazi du Carlos Santamariak

Dantza klasikoa zabaldu eta iraunarazteko egindako lanagatik eman dio epaimahaiak saria donostiarrari

Santamariak dantza klasikoa hedatu eta kontserbatzeko egindako lana azpimarratu du epaimahaiak. Heziketa klasiko- ko koreografoa da donostia- rra. Duela hamar urte, bere konpainia eratu zuen. Ordutik hamar ballet baino gehiago sortu ditu.

«Dantza klasiko puruaren hizkuntza deformatuz, nire hizkuntza propioa sortzea lortu dut, guztiz librea», onartu du koreografo donostiarrak. Bere konpainiak horretarako bidea ere ematen diola aitortu du. Jasotako sariaren berri izan bezain azkar, «pozik eta itxaropentsu» dagoela jakinarazi du. Hala ere, dantzariek beren lanbidean aritzeko izaten dituzten zailtasunak eta trabak ere gogorarazi ditu.

Ibilbide luzea du Carlos Santamariak bai dantzari baita koreografo moduan ere. Espainiako Dantza Konpainia Nazionaleko dantzari izan zen sei urtez. Koreografo gisa, Madrilgo Real Kontserbatorio Profesionalean hasi zen. Han zortzi urtez aritu zen lanean, bere konpainia propioa sortu arte. Maribel y la extraña familia musikalerako egindakoa izan da haren azken lana.