Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Erromeriaren jaia nagusi izango da larunbat honetan Itziarren hainbat ekintzekin

Dokumentuaren akzioak

Erromeriaren jaia nagusi izango da larunbat honetan Itziarren hainbat ekintzekin

Trikitixari buruzko hitzaldia antolatu da ostiralerako

Komunikabidea
Diario Vasco
Tokia
Deba
Mota
Albistea
Data
2012/05/02
Lotura
Diario Vasco
Erromeria Egunaren beste helburuetako bat Antonio Buenetxea Txankarta herriko soinujole zendua omentzea ere bada. Itziarren sortutakoa eta hazitakoa izan zen Txankarta. Izaera biziko gizona izan zen eta soinu handiarekin oso trebea. Gipuzkoako hainbat herri eta bailaretan oso ezaguna izan zen. Gerraosteko urte zailetan, trikitixa bizirik mantentzeko giltzarrietako bat izan zen Elgeta, Gelatxo eta Sakabirekin batera, besteak beste.
Egun handia larunbata izango da, baina ostiralean hasiera emango zaio egitarauari. Bakarrik hi-tzaldi bat jarri da lehenengo jardunaldian. Asier Gozategi, Iker Goenaga eta Oskar Estanga bertan izango dira trikitixari buruz mintza-tzen. Apaiz etxean izango da, ilun-tzeko 20:00etan hasita, eta Jon Ostolaza moderatzialearen lanetan arituko da. Larunbatean pertsona ugari espero dira, leku askotatik etorrita, azkeneko urteetan bezela. Egun honetan erromeria izango da nagusi hainbat ordutan. Kalejirak antolatu dira, erromeriak, herri bazkaria eta ikuskizun paregabea. Itziarko eta Bianko dantzariek euren trebetasuna erakutsiko dute eguerdian.
Giroa berotzen talde ezberdinak izango dira. Hernanitik dultzaineroak, txistulariak, fanfarea eta albokariak etorriko dira, eta Zubietatik joaldunak. Trikitilariak ez dira faltako, bertan izango dira Gari eta Iñaki, Tapia eta Leturia, Jagoba Uranga eta Maialen Arzallus eta Agurtzane eta Ion Elustondo. Bikote hauek ez dute soinuen erritmoa jaitsiko.

Dokumentuaren akzioak