Errementari dantzak eta suak ez dute hutsik egin

Sanjuanetan ezin murgildu Errementari dantzarik gabe, eta halaxe, bero-boladarekin kikildu gabe jardun zuten herriko dantzariek atzo iluntzean. Ondoren, etorri zen sua pizteko unea. Beste urte batzuetan baino su txikiagoa egin zuten baina alkateak berdin egin zuen dantzan haren aurrean.
Egilea
Mirari Altube Arrese
Hedabidea
Goiena
Lekua
Aretxabaleta
Mota
Albistea
Data
Lotura
Goiena

Lore Gazteak eta Txikitxu Arrostaitz taldeetako dantzariz bete ziren Arrasateko kaleak, eta Errementari dantzaren doinuekin Herriko Plazara arteko ibilbidea egin zuten, beti legez; hori bai, ohi baino geldialdi gehiago eginda freskatzeko.

Behin plazara iritsitakoan sua piztu zuen dragoiak; aurreko urteetakoa baino txikiagoa izan zen egoerak hala eskatuta. Maider Morras alkateak dantzan egin zuen tradizioari eutsita, baina bukaeran herritarrek ezin izan zuten saltorik egin haren gainetik.

Horiek guztiak gertutik jarraitzeko jendetza batu zen kaleetan zein plazan.