Bi Erregin aukeratzen dira. Ohiturak dioenez, batek Mardea auzokoa eta bertzeak Urrutiakoa behar zuen izan, hala ere, kasu honetan ez da hori errespetatu, Erregin izateko adinean zeuden bi neskatikoak Mardeakoak zirelakoz. Aiora Arraztoak eta Aisha Zubietak bete zuten paper hori. Saratsak, aldiz, Nahia Lazkano, Olatz Bergara, Alaitz Urrutia, Ainara Zubigarai, Irati Gamio, Elaia Zubigarai, Aitana Iraola, Aiuri Garmendia, Intza Garmendia eta Enea Mindegia izan ziren.
Herritik barna koplak kantatuz eta Erreginen dantzekin pasatu zuten arratsaldearen zatirik haundiena. Egunari akabaila emateko, bildutako diruarekin merienda goxoa dastatzeko aukera izan zuten herriko ostatuan, baita sos pixka bat etxera eramateko ere.
