Dokumentuaren akzioak
Erraustegiaren aurka, dantzan
Hondakinak
Usurbilen (Gipuzkoa) Zubietako erraustegiaren aurkako flash-mob erraldoia egin zuten atzo, Gipuzkoa Zero Zabor elkarteak deituta. Ehunka lagun elkartu ziren, eta musikaren erritmoan erraustegiaren eraikuntza bertan behera uzteko eta hondakinak kudeatzeko beste eredu bat eskatu zieten agintariei.
Lady Gagaren Bad romance abestia dantzatu zuten Errebote plazan elkartu ziren lagunek, Gipuzkoako hainbat herrietatik iritsitakoak. Jendea goizean goizetik iritsi zen Usurbilera, eta dantzan hasi aurretik ere hainbat ekitaldi izan ziren, besteak beste, Porrotx eta Marimotots pailazoena.
Hainbat astez entseguak izan dira Gipuzkoa osoan, eta atzo azkenean 13:30ean iritsi zen dantza egiteko unea. Xabier Mikel Errekondo Usurbilgo alkateak erraustegiaren eraikuntza bertan behera uzteko eskatu zuen, eta beste eredu bat posible dela aldarrikatu zuen.
Dokumentuaren akzioak