Udaberri garaian Lesakan ohikoak diren dantza ekitaldiak eta Nafarroako zirkuituetatik datozen dantza saioak elkartu eta lehen aldiz Ernatu Udaberriko Dantza Zikloa antolatu dute Lesakako udalak eta Sorginxulo kultur taldeak. Joan den asteburuan Tantirudantza jaialdia eta Sendaberri zirkiituko emanaldiak izan ziren eta igande honetan, apirilak 6, DNA Nafarroako Dantza Garaikide programaren barrenean, Erain dantza konpainia nafarrak Sin fichero adjunto lanaren estreinaldia eginen du Harriondoa kultur etxean. Igandean 19:00etan hasiko da Ioar Labat eta Julia Razkin dantzarien emanaldia
Sin fichero adjunto
Zenbat eta erabakitzeko aukera gehiago izan, orduan eta askeago sentitzen da gizakia. Baina zenbat aldiz topatu ote du bere burua askatasunean korapilatuta? Zer egin jakin gabe eta edozein argibide liburuxkak esaten diona egiteko prest? Zein izan behar luke bere hurrengo erabakia? Aurkituko al ditu argibide horiek fitxategi batean? Agian, bilaketa berdinean gaude guztiok.
