Emakumeek euskal dantzetan izan duten rolari buruzko berbaldia, bihar, Berrizen

Bihar, urtarrilak 26, Oier Araolaza kazetari, antropologo eta dantzariak Emakumea euskal dantzan hitzaldia eskainiko du, Berrizko Kultur Etxean, 19:30ean. Dantza tradizionalean egon izan diren genero bereizketen gaineko azterketa egin du Araolazak.

Dantzari eibartarrak Anbotori iaz eskainitako elkarrizketan azaldu zuenez, dantza tradizionala gizartearen isla da: “Gizartean aurkitu dezakeguna aurkitu dezakegu dantzan, lehen eta orain”. Bere berbetan, emakumeek “ia garai guztietan borrokatu behar izan dute debekuen, eta plaza publikoa monopolizatzeko gizonezkoek eginiko ahaleginen kontra”.