Dokumentuaren akzioak
Ehun haurrek hartu zuten parte Haurren Euskal Jaian
Eguraldi ona lagun, soraluzetar asko bildu ziren dantzen inguruan egun
osoan zehar. Lehenik eta behin, txistulariek kalejira egin zuten eta
ondoren dantza talde gonbidatuei ongi etorria eman zitzaien frontoian.
Dantzari
eta txistulariekin herrian zehar kalejira egin ondoren, eguerdian lehen
alardea egin zuten. Arratsaldez, haur jolasak egon ziren Plaza
Zaharrean eta bigarren alardea.
Aurrera doa Euskal Jaiaren
egitaraua. Eta honen barruan atzo ireki zuten argazki eta bideo
erakusketa kiroldegian. Bertan azken ehun urtetan dantzarekin lotutako
argazki eta bideo zaharrak ikus daitezke, ostiralerarte, arratsaldeko
zazpiretatik zortzi t'erdietara.
Azkenik, datorren larunbatean,
ekainaren 9an, Euskal Jai eguna ospatuko da, eta honekin batera herriko
dantza taldearen 50garren urteurrena.
Dokumentuaren akzioak
