Dokumentuaren akzioak
Egape ikastolak II. Urnieta Dantzan jaialdia burutuko du gaur herrian
Jaialdi honen helburua nagusien artean euskal
folklorearen espresio nagusienetako bat indartu, dantza garaikideko
adierazpenak txertatuz, eta euskal dantza, egungo espresio
artistikoetara egokitzea aurkitzen dira.
Beste herrialde eta herriko dantzarien topagune bihurtu, harremanak sendotzeko eta esperientzi berriak ezagutarazteko, elkar-lana sustatuz eta jorratuz.
Bestalde, Urnietan, euskal kulturaren espresiobide hau kaleratu eta bere balio eta garrantzia, txikiei, zaleei, gazteei, eta herritarrei oro har helarazi.
Egitarauari dagokionean, goizeko hamaiketatik aurrera talde gonbidatuen harrera eta dantzarien topagunea burutuko da Egape Ikastolan.
Goizeko, hamaika terdietatik ordubatak arte, bestalde, 5
ibilbide ezberdinetan banaturik, herriko kale eta plazetan dantza
saioak eskainiko dira.
Eguerdiko hamabiak aldera, San Juan Plazan, dantzari txikienen emanaldia ikusteko aukera izango da ordu erdiko ikuskizunean.
Pixka bat beranduago berriz jaialdi nagusiaz gozatu ahal
izango dute ikusleek. Plazido Mujika Plazan kokaturik, bertan egongo
diran dantzan haurrak ordubiak arte gutxi gora behera. Eguraldi txarra
egingo balu, Egapeko Urnieta Dantzan proposamenaren bigarren edizioko
jaialdi nagusia udal frontoian ospatuko litzateke.
Dokumentuaren akzioak
