Egape dantza taldeak Urnieta dantzan ekitaldia ospatuko du herriko kaleetan

Parte-hartzaileei dagokionez, Egape dantza taldeko 134 dantzari izango dira. Baita Alaiki dan-tza taldea (Zuraide) eta Jeiki dan-tza taldea (Agurain) ere. Txanbolin Txistulari Bandak ekitaldia girotuko du bere musikarekin.

Egitarauan, goizeko hamaiketatik aurrera, dantzarien bilkura izango da Egape Ikastolan. Bertan, hamaiketakoaz gozatzeko aukera izango dute guztiek. Ordu erdi geroago, hau da, 11:30ean, sei ibilbidetan banatuta, Urnietako kale eta plazetan dantza saioak eskainiko dituzte dantzariek, honela herria girotuz. Eguerdiko hamabietan, eta behin Urnietako kaleak zeharkatu ondoren, dantzari txikiak San Juan Plazan bilduko dira eta bertan emanaldi berezia eskainiko dute. Arratsaldeko ordubatean, berriz, emanaldi nagusia ospatuko da non eta Plazido Muxika Enparantzan. Emanaldi guztiak bukatu ostean, arratsaldeko ordubietan, bazkariarekin indarrak berreskuratzeko aukera izango dute dantzariek Egape Ikastolan.

21:00etan, bertso afaria izango da Poxta zaharrek antolatuta Gazte Jaien barnean.