Azaroaren 9an eta 10ean, Nafarroako Dantza Garaikidearen Programak (DNA), Vianako Printzea Erakundeak eta Baluarte Fundazioak antolatuak, EveryOne eta Together to get there izeneko dantza garaikideko bi ikuskizun aurkeztuko ditu. Obra horiek DNA 2022 programaren sormen-egoitzen emaitza dira.
Kon Moción konpainiarena da EveryOne, azaroaren 9an ikusiko dena. Antzezlanaren helburua “giza aniztasuna ospatzea eta dantzaren bidez immigrazioaren gaia aztertzea da. Dantzariek, hainbat jatorritatik etorriak eta askotariko bizipenekin, hip hopa, dantza afrikarra eta dantza garaikidea bezalako estiloak erabiltzen dituzte lur berri baten bilaketa eta bestearekiko topaketa adierazteko. Arrazakeriari eta xenofobiari aurre egitea helburu duen proiektu zabalago baten parte da pieza”.
Akira Yoshidak eta Lali Ayguadék sortu dute Together to get there. Piezak, dantzaren bidez, “bi pertsonen arteko topaketaren magia aztertzen du, giza harremanetan bizi den konplizitate intimo eta aldakorra erakutsiz. Hitzik gabeko komunikazioan eta denbora partekatuan zentratzen da, baita giza izaeraren eraldaketan eta konplexutasunetan ere”.
Bi aurkezpenak Nafarroako Unibertsitate Museoan egiten den Museoa Dantzan zikloaren baitan aurkeztuko dira.
