Hemen zaude: Hasiera Hemeroteka Desberdina izateko eskubidea

Dokumentuaren akzioak

Desberdina izateko eskubidea

XII. Dantza Zirkuituak Ertza konpainiaren NAN eta Kukai Dantzaren Gelajauziak koreografiak programatu ditu larunbaterako, Berrizen eta Sopelan.

Ertza konpainiaren NAN lanean, Asier Zabaletak desberdina izateko eskubidea aldarrikatzen du bideo, dantza, antzerki eta errezitaldi ikusgarri batean. Koreografiaren oinarria hauxe da: “NANa gure identitatea definitzen duen dokumentua da eta identitate hori nazionalitate batek baldintzatzen du beti”. Lanean ere dokumentu horretan agertzen diren bi kontzeptuak landuko dira: identitatea eta nazionalitatea. Era berean, talde-sentimendu orori lotuta dagoen jabetza kontzeptuaz hitz egingo da, nirekeriez.
Egilea
Dantza Zirkuitua
Komunikabidea
Nontzeberri
Mota
Albistea
Data
2016/11/30
Lotura
Nontzeberri

Beste aldetik, egun berean, Sopelan, Jon Mayaren eta Cesc Gelaberten piezak euskal dantzak (Gipuzkoako soinu-zaharrak eta Lapurdiko dantza-jauziak) eroango dituzte Gelajauziak lanarekin. Obrak argi erakusten du bi koreografoek dantzarekiko eta kultura-tradizioarekiko duten interesa, egungo gizartera egokitzeko. Pieza koreografiko horretan beren kezkak eta esperientzia erakutsi nahi izan dituzte, eta era berean bi dantza horien balio soziala, gizarte-sustraiak, bat-batekotasuna aldarrikatuz.

Hortaz, Ertza konpainiaren NAN lana, Berrizko Kultur Etxean, 20.00etan, eta Kukai Dantzaren Gelajauziak koreografia, Sopela Kurtzio Kultur Etxean, ordu berean izango dituzue.

Desberdina izateko eskubidea

Dokumentuaren akzioak