Komunikabidea
Euskal Kultura
Mota
Albistea
Data
2022/01/17
Lotura
Euskal Kultura
Egun batzuk dituzu oraindik, urtarrilaren 23raino, baina benetan interesa baduzu, ez zazu gehiago geroratu: izena eman eta ikasi euskal dantzak online, adituen eskutik eta doan. Eusko Jaurlaritzako Kanpoan den Euskal Komunitatearentzako Zuzendaritzak ematen dizu aukera 'Dantza Munduan'ekin euskal dantza tradizionalak ikasi edota hobetzeko. Edonongoentzat interesgarria, baina bereziki munduan zehar hedatutako euskal diasporako kideentzat, ordenagailua edo edozein gailu mugikorra tarteko.
Dantza Munduan ekimenaren 2022ko edizioan parte hartu nahi baduzu, azkar ibili eta bidali eskabide hau zure euskal etxe eta komunitatearen bitartez euskaletxeak@euskadi.eus helbidera. Eskabideak jasotzeko azken epe berria urtarrilaren 23a izango da, 24:00etan, Euskal Herriko ordua. Ez ahaztu zure euskal etxearen bidez bideratu behar duzula, beraz, jar zaitez lehenbailehen harremanetan eurekin.
-Dantza Munduan-eko bigarren edizioko programa, Jaurlaritzak zabaldua
