Dantzaz urtuta

Kritika Dantza

Christian Spucken Le Tableau Perdu dantzak Mendelssohnen Italiar Sinfonia du ardatz nagusi, baina musikak ez du dantza pausoekin harreman esturik gordetzen. Apurketa nabaritzen da sinfonia indartsu eta dantza minimalistaren artean. Agertokia argi-ilun, margolari baten koadro bat apurtuta balego bezala, eta horren inguruan, teknika apala erabiliz, dantza konpainia saltoka eta margo pintzeladak astintzen. Oso ikusgarria izan zen.

Ondoren Rättika aurkeztu zuten. Musika eta dantza guztiz urtu ziren helburu eta etekin berean. Sekulako irudikapena, giza gorputzen eraldatzea eta musika erritmoa interpretazioan. Musika pasarteren batean biolontxeloak eta kontrabaxuak ikaragarrizko tremolo-a gauzatzen zutenean, lurretik arrastaka dardara larrian genituen dantzariak. Brahmsen Biolinerako Kontzertua-k gomutarazten digun sentipen, negar, zorion eta atsekabe oro dantzan ikusi ahal ziren. Bigarren pasartean azenario bitxi batzuk azaldu ziren sabaitik zintzilik, eszena planteamendua hautsiz eta lurraren eta zeruaren arteko erlazioa dantzaren bidez gerturatuz.

Suediako Operako Balleta

Lekua: Donostiako Kursaal auditoriuma. Eguna: maiatzak 16.