Hemen zaude: Hasiera Hemeroteka Dantzaz konpainiak emaniko Lur sagar ikustaldia Biarritzen bihar

Dokumentuaren akzioak

Dantzaz konpainiak emaniko Lur sagar ikustaldia Biarritzen bihar

Komunikabidea
kazeta.info
Mota
Albistea
Data
2008/11/22

Dantzari gaztea Martin anderearekin klaseak hartu ditu eta Gaël Domenger ospetsuaren ikasle izandakoa da. Ikusgarri interesgarria dirudi.

Ondotik, hiru pieza ezberdin egonen dira, lehena Christophe Garcíarena izanen delarik, Songeurs, Ameslariak titulua duen ikusgarriareki. Pieza hau hiru emakumerentzat sortu zuen hasieran, baina Dantzaz Konpainia galdeginik, gizonentzat moldatu eta bertsio berri bat proposatu du Garcia-k. Taularen gainera igoko diren hiru pertsonaien ametsetako munduarekin bat egitea proposatzen du piezak.

Bigarren pieza Biarritz Ballet eta Dantzaz konpainiarekin lan egiten duen Gael Domenger-en Jaar Eden da. Bi dantzarientzat egina den pieza horretako musika Francisco Lopez eta Jesus Auredek egin dute, Auredek zuzenean akordeioa jotzen duelarik. Bi dantzariek Eden ibaiaren iturria bilatzen entseatzen dira, egunerokotasuna, haien emozioak, memoria, gorputza eta besteekiko harremana zalantzan jartzen dutelarik.

Hirugarrena Earth Aplles izeneko pieza aurkeztuko du Itzik Galili koregrafoak. Mercedes Sosa kantari argentinar famatuaren musika erabiltzean, omenez berezi bat eskaintzen dio. Musikari sinpletasun harrigarri batekin erantzuten dio, lurraren mamia sentitzen entseatuz. Holandan bizi arren, israeldarra da Galili eta lurraren sustraien iturriraino joanez, freskotasuna ekarriko digute pieza interpretatzen duten sei emazte eta gizon bakarrak. 

Dokumentuaren akzioak