Dantzaz eta kantuz girotuko dituzte herriko kaleak, igande honetan
Elizalde auzotik barrena Herri Musika eskolako eta Lartaungo txistularien kalejira ibiliko da
Heldu den igandean, hilak 27, goizeko 10:30ean hasita, Elizalde auzotik barrena Herri Musika eskolako eta Lartaungo txistularien kalejira ibiliko da.
Eguerdi bikaina
Jai giroak jarraipena izango du eguerdian. Izan ere, dantzek eta kantuek girotuko dituzte herriko kaleak. Dantza-jauziak eguerdiko 12:00etan hasiko dira. Doneztebe plazan arituko dira ordubetez dantza franko eskaintzen.
Gero, 13:00etan Kantujirak hartuko du protagonismoa. Plazatik abiatu eta euskal kantuak abesten ariko dira kaleetan zehar, 14:00etan Kastro iturriaren inguruan amaitu bitarte.