Hemen zaude: Hasiera Hemeroteka Dantzarien erakustaldia Leitzan

Dokumentuaren akzioak

Dantzarien erakustaldia Leitzan

Ehunka lagun bildu ziren atzo ere Leitzako plazan Aurrerako dantzariak ikustea Gaur, besteak beste, txotxongiloak, musika eta herri afaria izango dira

Egilea
Elisa Belauntzaran
Komunikabidea
Diario Vasco
Tokia
Leitza
Mota
Albistea
Data
2008/08/12
Txistularien doinuak entzuteako dantzariak plazara atera ziren. Jendea laster hasi zen txaloka eta handik aurrera batzuen eta besteen urduritasunak nahasi ziren. Dantzariak plazan zirela, Agurra, Zortzikoa geldirik, Zortzikoa mugitua, Banakako, Binako, Launako, Makil danzta, Ezpata dantza eta Txangarrakua entzun ziren. Atzean utzi zituzten nerbioak eta beste behin, saio bikaina eskaini zuten Aurrerako zortzi dantzarik. Aurten, Andoni Zabaleta, Beñat Zabaleta, Iker Urkiola, Eneko Zabaleta, Oian Alduntzin, Jon Dennis Calonge, Mikel Azpiroz eta Miguel Olano izan dira protagonistak. Denak ere, gustora agertzen ziren saioa amaitzerakoan jendearen txalo zaparrada eta zorionak jasotzen zituzten bitartean.
Sentimentu asko nahasten den unea da dantzarien saioa. Aurretik dantzari izan direnek ez dute galdu nahi izaten hitzordu hau eta, gaur egun, plazara ateratzen direnen senitartekoek, bereziki, gurasoek, emozio handiz bizi dutela aitortzen zuten atzokoan.
Jai herrikoiak
Dantzariaz gain, atzokoan Leitzako plazan izan zen zer ikusi eta zer jan. Izan ere, atzo lehen aldiz, udaletxeko hamaiketakoa karrapen eskaini zen. Xabier Zabalok, Lei-tzako alkateak, esan zuenez «festak inoiz baino herrikoiagoak antolatu nahi izan ditugu aurtengoan eta horregatik, ahal izan ditugu ekitaldi gehienak herriko jendeari irekiak jarri ditugu, eta ahal den neurrian beraiek izan daitezen protagonistak». Zabaloren esanetan helburua «jendearen partehartzea bultzatzea da eta horregatik, umeen egunean, Inguru-txoa, gosaria irekiak izan ziren». Bestalde, Leitzako jaiak badituzte berrikuntza batzuk. Zabalok aipatu zuenez «Igandean, Euskadiko sega txapelketako finala izan zen eta oso gustora gelditu gara denak. Bestalde, goiti beherak izanen dira lehen aldiz eta gaur herri afaria izango da lehen aldiz». Jai lasaiak izango direla azpimarratzen zuen alkateak «astez direlako, baina asteburuan nahiko jende ibili da eta aurtengoak herriko jendeak gustora ibiltzeko modukoak izanen dira».
Gaur gehiago
Gaur goizeko 9etan entzierroa eta behiak izango dira. Eguerdian, 12etatika urrera, txotxongiloak eta aparra izango dira plazara. Ondoren, Incansables txaranagak alaituko ditu herriko baztarrak. Arratsaldeko 5:30etan, zezenak plazan. Ordu bete beranduago, Aurrerako dantzarien saioa eta ondoren, goxokiak banatuko dira umeei. Txaranga, pilota partidak Amazabalen eta suzko zezena izango dira herri afaria aurretik. Gero, Perfusion perkusio taldea eta txarangaren txanda izango da.
Dantzarien erakustaldia Leitzan
Aurrera elkarteko dantzariek 'Ezpadantza' eskaini zuten atzoko saioan plazan.

Dokumentuaren akzioak