Hemen zaude: Hasiera Hemeroteka Dantzaren Nazioarteko Eguna Donostian

Dokumentuaren akzioak

Dantzaren Nazioarteko Eguna Donostian

Gaur, 20:00etan, Kursaal auditoriumean.

Komunikabidea
Berria
Tokia
Donostia
Mota
Albistea
Data
2006/04/29
Ordutik, urtero punta-puntako dantzariak betetzen dute Donostiako Kursaala.Dantzarien artean, Alicia Amatriain donostiarra ikusteko parada izango da. Egun, Stuttgart baleteko kidea da, Ivan Gil Ortegarekin batera. Biek Godspeed eta Onegin obrak interpretatuko dituzte. Lehen lana Goyo Monterok sortu zuen, Stuttgart baletak egindako eskariari erantzunez. Bigarrena, berriz, John Cranko dantzari eta koreografoaren obra ospetsua da.Horrez gain, Eva Lopez Espainiako Balet Nazionaleko dantzariak Lienz Chang Kubako Balet Nazionaleko dantzariarekin eskainiko du Nocturno obra.Bestalde, Edu Munduamendiarazek zuzentzen duen Aukeran taldeak Minube koreografia berria aurkeztuko du. Horretarako, Marina Mascarell eta Saul Vega igoko dira agertokira. Lan berria erakutsi ostean, beste obra bat dantzatuko dute: Swicht of and go, hain zuzen.

Biarritz Baletak 'Mozart ballets' obra eskainiko du

Biarritz Baletak ere hartuko du parte Dantzaren Nazioarteko Egunean. Mozart Ballets obraren zati bat erakutsiko dute dantzariek taula gainean. Bestalde, Dame quince minutos que quiero bailar lana dantzatuko du Leire Amonarriz gipuzkoarrak. Madrileko Balet Gazteak ere ez du galduko dantzaren egun handia. Jorge Garcia koreografo kubatarraren Majisimo obra prestatu dute jaialdirako. Dantzarien artean, Naroa Guruzeta donostiarra egongo da.Dantza jaialdian beste makina bat dantzari eta konpainia izango da egun osoan zehar. Horien artean, Londresko Manor House Company dantza taldea, baita Megalo konpainia ere. Guztiak dantzaren alde onena erakusteko asmoarekin etorriko dira, askorentzat dantza beren bizitza delako.

Dokumentuaren akzioak