'Dantzaren bidez autoezagutza lantzen dugu, baita sormena ere'

Faktoria ''Gorputzaldiak''

Amaia Nabaskues eta Maider Urrutia "Gorputzaldiak" proiektua lantzen ari dira 26 eskolatan. Lehen hezkuntzara bideratzen da, baina haur hezkuntzako irakasleak ere animatzen ari direla azaldu digute 'Faktoria'n. Proiektu pedagogikoa da, hezkuntza eta dantza lotzen dituena. Dantza, tresna pedagogiko gisa.

Azaldu digute, dantza mugitzeko, esploratzeko, bakoitzaren beharrak asetzeko tresna izatea nahi dutela, "dantza baliabide bata da, eta helburu anitzak lortzeko baliagarria da".

Hasteko, ikastetxeetan formakuntza lana egiten dugu, eta ondoren irakasleek euren ikasleei moldatuko dute ikasitakoa.

Gaur egun, gorputza eta burua oso aparte lantzen direla esan digute, eta esan digute paradigma hori gainditzeko lana egiten dutela.