Dantzan hasi eta txotx eginez bukatu

Asteburu honetan hasiko da Alkartasuna Dantza Taldeak urtero antolatzen duen Kultur Astea. Ohi bezala dantza emanaldiek emango diote hasiera egitarauari. Larunbatean (hilak 26), zumardiko oholtzan, taldeko helduak dantzatuko dira, eta igandean (hilak 27), berriz, haurrak. 20:00etan da helduen emanaldia eta 12:00etan Alkar Txikirena.

Egilea

Olatz Mitxelena

Komunikabidea

Oarsoaldeko Hitza

Mota

Albistea

Data

2018/05/23

Lotura

Oarsoaldeko Hitza

Lan egunetarako gorde dituzte ikastaro eta tailerrak. Hilak 28 eta 30ean (datorren astezko astelehen eta asteazkenean) euskal dantza ikastaroa eskainiko dute azokan, doan, eta herritar orori zabalik.

Haurrentzako ekitaldia, berriz, ekainaren 1ean izango da, ostirala. Traka Matraka ikuskizuna programatu dute, arratsalderako (18:00etan, azokan), birziklatutako materialarekin musika tresnak sortu eta ondoren emanaldia eskaintzeko.

Kultur Asteari amaiera emateko, berriz, XXV. Sagardo Jaia antolatuko du Alkartasunak ekainaren 2rako. Ohi bezala 18:00etan zabalduko dute txotxa, baina giroa berotzen joateko, aurten, eguerdian Mutxikoak dantzatuko dira. Aurten hogei sagardo dastatzeko aukera izango da Antxon, eta horiez gain, nola ez, pintxoak, musika eta dantza ez dira faltako.

Iaz, taldeko helduen emanaldia bitartean.

Dokumentuaren akzioak

Bidali hitzordua