Dantzan egiteko edo ikasteko

Juan Antonio Urbeltzek Dantza Ganbara zuzenduko du gaur, Bilbon; saio irekia eta doanekoa

Dantza gizarteratzeko asmoarekin abiatu zuten egitasmoa Kafe Antzokiak eta Ikerfolk elkarteak. Izan ere, dantzak Euskal Herri baserritar eta arrantzalean zuen eginkizuna galdurik dago gaur egun hirietan. Urtaroarekin eta bestelako gertakariekin loturiko errituetan zuen lekua dantzak. Gaur hirietan egin daitekeenak ez du dagoeneko zerikusirik iraganeko gizarteko erritu haiekin, baina beste eginkizun garrantzisu bat betetzen du, hirietan bereziki beharrezkoa dena: jendearen arteko harremanak sortzea eta sendotzea. Urbeltzen Dantza Ganbara, jaia eta elkarbizitza giroarekin lotuta dago, beraz, baina jolasa serio hartzen du.

Badira lau urte egiten dutela. Arrakasta lortu du, eta Ondarroako Kafe Antzokira ere zabaldu da ekimena.

Urbeltzek 40 urte daramatza euskal dantzak ikertzen eta taularatzen. Argia dantza taldearekin dantza tradizionalen moldea eraldatu zuen, ikerkuntza eta sorkuntza nahastuta. Hezkuntza lanez gain, dokumentalak zuzendu ditu gaiaren inguruan, eta hainbat saiakera idatzi ditu.

URBELTZEN DANTZA GANBARA

Noiz. Gaur, 20:00etan, Bilboko Kafe Antzokian. Doan.