Dokumentuaren akzioak
Dantzaldi ibiltariak egingo ditu Aiko taldeak Bizkaian
Dantza tradizionalean aritzeko aukerak sortzeko xedearekin egingo dituzte hainbat ikastaro eta erromeria
Bizkaiko hamalau herritan egingo dituzte. Honako hauetan: Bermeon
(otsailaren 12an), Bilbon (apirilaren 30ean), Erandion (otsailaren
19an), Etxebarrin (apirilaren 16an), Gernikan (apirilaren 2an), Getxon
(martxoaren 5ean), Gordexolan (otsailaren 5ean), Igorren (urtarrilaren
29an), Plentzian (martxoaren 12an), Sestaon (otsailaren 26an), Sodupen
(martxoaren 26an), Urduñan (apirilaren 23an) eta Zaratamon
(urtarrilaren 22an). Ordu bi iraungo dute ikastaroek. Eta Labordak
azaldu duenez, edozeinek parte har dezake. Ez da beharrezkoa
eskarmenturik izatea. Interesa izatearekin aski da. «Ez dugu goi
mailako dantzarik erakutsiko, guzti-guztiek dantza ditzaketen pauso eta
piezak baizik». Ikastaroak doakoak izango dira. Hori bai: beharrezkoa
da aurrez izena ematea, 646 336 147 telefono zenbakira deituta edo www.aikotaldea.com webgunean.
Horretaz gain, ikastaro trinkoa egingo dute Durangon,
martxoaren erdialdera bitartean. Ikasitakoa praktikan jartzeko, berriz,
erromeriak egingo dituzte hilean behin Plateruenan, martxoaren
akaberatik urtea amaitu arte.
Dokumentuaren akzioak