Dantzak eta kaleak bat egingo dute Lekuz Leku jaialdian, Bilbon

Korea, Argentina, Txile, Txekia, Italia, Fratzia eta Herbehereetako artistak ariko dira, gaurtik hilaren 29ra arte

Bestetik, bideo-programa bat antolatu dute ekainaren 28an eta 29an, La Fundicion aretoan. Lehenengo egunean, dantzaren kudeaketan eta zabalkundean aditu Solange Dondik hitzaldia emango du Frantzian dantzak 80-90eko hamarkadetan izandako eraginari buruz. Hurrengo egunean, Paso doble eta L' homme qui danse dokumentalak ikusteko aukera izango da.

Jaialdien arteko trukeak

Aurten,Lekuz Lekuk ikuskizunak trukatuko ditu beste jaialdi batzuekin. Lekuz Leku, Kataluniako Dies de Dansa eta Zaragozako (Espainia) Trayectos jaialdiak Dantzatzen Duten Hiriak (DDH) nazioarteko sareko kide dira. Elkarteak Europako eta Latinoamerikako 30 jaialdi hartzen ditu, eta parte hartzen duten hirien artean lankidetza sistema dinamiko bat sortzea da helburua.

Luke Tagua Lekuz Leku jaialdiaren koordinatzaileak azaldu zuenez, «eskaintza kulturalaren sustapena, ezagutzaren hedapena eta hiri hauen arteko lankidetza bultzatzea» bermatu nahi dute ikuskizunen trukaketarekin. Bihar, 19:30ean, La Mov Zaragozako taldeak Como o vento emango du Guggenheim museoaren inguruan. Aldi berean, Jorge Jauregi euskal dantzaria Zaragozako zenbait plazatan ariko da asteburuan, Lauri Aris artistarekin batera.