Dokumentuaren akzioak
'Dantza zati bat' izeneko 'flashmob'-aren grabaketa bideoan ikusgai
Joan den asteburuan 'Dantza zati bat' grabatu zuten Ordiziako plazan, eta, antolatzaileek adierazi dutenez, "plaza jendez bete zen". 'Flashmob'-a kaleratu aurretik, bideo bat egin dute prestaketaren eta han bildu zen jendearen irudiekin.
Azaroaren 24an grabatu zuten, Ordiziako (Gipuzkoa) plazan, Dantza zati bat izeneko flashmob-a, 17:00etan. Parte hartzera jende asko animatu zen, eta antolatzaileak gustura daude izandako harrerarekin.
Autodeterminazioaren aldeko Nazioen Mundua ekinaldiaren ondorioz sortutako Gazta zati bat dokumentaleko abesti bat hartu, eta koreografia bat egin dute, euskal dantzako lau pausorekin. Dantza ikasi eta ekintzan parte hartu nahi duen orok modua izan dezan, bideoa jarri dute Youtuben.
Durangoko Azokan Gazta zati bat dokumentala kaleratuko dute, bi DVDtan. Horrez gain, emanaldiak egiten jarraituko dute.
Dokumentuaren akzioak
