Dokumentuaren akzioak
Dantza tradizionalak ikasteko beste modu bat
Aikok ematen dituen tailerren eskutik izango da posible
Modu natural, lasai eta dibertigarrian dantza egin eta
jotzen dute musika Aikako kideek. Beraien ikastaroetara joaten diren
pertsonek dantzan ikastea da garrantzitsuena eta ez halako edo bestelako
koreografia bat ikastea.
Filosofia horrekin dabiltza Bizkaiko herrietan barrena
eta urritik aurrera Zarautzen izango dira irakasten. Aurretik ere
ezagunak dira hemen, 2009 eta 2010ean, San Pelaioko erromeria zela eta,
dan-tza egiten hasteko tailer batzuk ematen ibili baitziren.
Izen-ematea
Hemendik aurrera, dantzarekin eta dantza egiteko modu
tradizionalarekin disfrutatu nahi duten pertsona guztiek Aikok ematen
dituen ikastaroetan izena emateko aukera izango dute. Ikastaroak,
urritik ekainera bitartean, asteartero (19:00etan), Aritzbatalde
kiroldegian izango dira. Astero ordu eta erdi iraungo du
hastapen-ikastaroak. Iraungo dituen bederatzi hilabeteetako matrikula
100 eurokoa izango da. Izenematea Sanz Enea Kultur etxean egingo da
943-005119 telefono zenbakira deituz edo kultura@zarautz.org helbidean.
Aiko taldeko kideak dantza egiteko prest.
Dokumentuaren akzioak
