Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka 'Dantza' Telmo Esnalen filmak irekiko du Lekeitioko Euskal Zine Bilera

Dokumentuaren akzioak

'Dantza' Telmo Esnalen filmak irekiko du Lekeitioko Euskal Zine Bilera

Begirada saria Kimuak proiektuari emango diote aurten, “euskarazko filmen hedapenean egindako lanagatik”.

Urriaren 6an hasiko da Lekeition Euskal Zine Bilera euskarazko zinemaren jaialdia. Egun horretan, Loli Astorekak eta Aitor Abaroak aurkeztuko duten irekiera galan, Begirada saria emango diote Kimuak proiektuari, hainbat urtez euskarazko filmak hedatzen egindako lanarengatik. Gainera, irekiera ekitaldia biribiltzeko, Dantza Telmo Esnalek Donostia Zinemaldian estreinatu berri duen filma proiektatuko dute.
Komunikabidea
Eitb
Mota
Albistea
Data
2018/10/04
Lotura
Eitb

Biharamunean, irailaren 7an, Verabredung Maider Oleagaren film luzea eskainiko dute, eta urriaren 12an zinemagile honen lanean gehiago sakonduko dute, hitzaldia emango baitu bere ibilbidea eta lan prozesua azaltzeko.

Urriaren 8tik 11ra bitartean, 20:00etan, Zine Bilerako lehiaketa izango da protagonista. 20 film sartu dira lehian, eta Ikusgarri aretoan emango dituzte.

Irabazlea zein izango den urriaren 12an jakingo dugu. 19:30ean, amaiera ekitaldia egingo dute, eta lau sari banatuko dituzte, Mikel Zumetak, Itziar Ituñok, Eider Egurenek eta Maider Oleagak ebatzitako hiru (zuzendaritza, gidoi eta film onenak) eta publikoaren saria.

'Dantza' filma urriaren 6an emango dute

'Dantza' filma urriaren 6an emango dute

Dokumentuaren akzioak