Dantza tailerra antolatu da Aiko taldearekin

Dantza errepertorio zabala eskainiko da: soka-dantza, jota, porrua, baltza, mazurka, txotisa, pasodoblea, polka, kontradantza, kontrapasa, etab.

Aikok dantzatzeko era tradizional eta naturala zabaldu nahi ditu, eta horrekin batera, dantzarako aukera eta gune berriak sortzea; ikasteko bide atsegin, argi eta erraz bat, dugun bizimoduari egokitua... Dantzarako musika egitea gogoko dutelako, dantzatzea maite dutelako, jotzen eta dantzan eta irakasten dihardute. Eta eurentzat musika eta dantza uztarturik doaz berez: elkarren osagarri eta lagungarri, horregatik zuzeneko musikak lehentasuna du Aikotarren ekitaldietan. Aikotarrek era tradizionalean dantzatzearen esperientzia berria bizitzeko aukera eskaini nahi digute. Dantzatzeko bereziki eginiko zuzeneko musika, eta horrekin batera, dantza gozatu ahal izateko gako batzuk. Animazio eta giro egoki baten bidez musikaz eta dantzaz gozatzeaz gain, baliogarri izan daitezken gutxiengo oinarri eta gako batzuk eman nahi dizkigute, aurrerantzean edozein erromeri edo tradiziozko dantzalditan guztiak dantzatzeko gai izan gaitezen. Beraz, animatu.