Dokumentuaren akzioak
Dantza saio jendetsua Musika Plazan
Dantza saio animatua igande eguerdian Musika Plazan
udaleko kultura sailak antolatuta. 12:00tan hasita, ordu eta erdian
dantza ugari egin zuten bertaratuek.
Kalejirarekin hasi, fandango, arin-arin, mutxikoak,
baltsa, pasodoblea, polka eta larraindantzarekin bukatu zelarik saioa.
Jendearen harrera ona ikusita kultura sailaren asmoa dantza saio honi
jarraipena ematea da, seguraski hilero.
Erromeria Iñurritzan
Bestalde, dantza kontuekin jarraituz, aurten ere San
Pelaio egunean, Aiko taldearekin erromeria egingo da Iñurritzan. Bertan
dantzatuko diren dantzak prestatzeko ikastaro txiki bat antolatuko da
ekaineko hiru larunbat goizetarako.
Jende ugari dantzan igande eguerdian Musika Plazan.
Dokumentuaren akzioak
