Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka 'Dantza Plazetan' programak euskal folklorea eramango du aurten ere Bilboko auzoetara

Dokumentuaren akzioak

'Dantza Plazetan' programak euskal folklorea eramango du aurten ere Bilboko auzoetara

Erromeriak, dantza ikuskizunak, kalejirak eta erraldoien desfileak antolatuko ditu urte honetan Deustu, Santutxu, Ibaiondo, Errekalde eta Basurtu-Zorrotza barrutietan
Komunikabidea
El Correo
Tokia
Bilbo
Mota
Albistea
Data
2022/01/25
Lotura
El Correo

 

Gaur egun, inoiz baino garrantzitsuagoa da aire zabaleko jarduerez gozatzea, hondartzan, mendian edo herrietako plazetan. Are gehiago gure gizartean errotuta dauden gure kultur jarduerez gozatzea, hala nola dantzez. Horrela, interesdunek jakin behar dute Bilboko Udalak iragarri berri duela 'Dantza Plazetan' ekimena jarriko duela abian aurten ere, eta erromeriak, dantza ikuskizunak, kalejirak eta erraldoien desfileak antolatuko ditu urte honetan Deustu, Santutxu, Ibaiondo, Errekalde eta Basurtu-Zorrotza barrutietan.

Aurtengo lehen hitzordua urtarrilaren 29an izango da, Alde Zaharreko Santiago plazan, 20.00etan, Salbatzaile Dantza Taldearen eskutik. Tradiziozkoa da Santiago plazako erromeria, urtarriletik ekainera eta irailetik abendura hilabeteetan behin egiten dena. Interesdunek egutegi osoa kulturabarrutik.eus webgunean kontsulta dezakete.

Bilboko Udalak jakinarazi duenez, 'Dantza Plazetan' ekimenaren helburu nagusia Euskal Herriko folklorea sustatzea eta balioestea da, erromeriak, dantza ikuskizunak, erraldoien desfileak eta plaza publikoetako kalejirak ospatuz.

Honako hauek izango dira aurtengo programan parte hartuko duten taldeak: Batasuna Arraizbide Dantza Taldea, Beti Jai Alai, Bihotz Alai, Deustuko Folklore Taldeak, Bizkaiko Dantzarien Biltzarra, Gaztedi Dantzari Talea, Ibai Arte Dantza Taldea, Ondalan Erraldoien Konpartsa eta Salbatzaile Dantza Taldea.

Pandemia hasi zenetik egin den bezala, Bilboko Udalak jarduera protokoloak egokituko ditu programatutako jardueretan, osasun agintariek unean-unean hartzen dituzten erabakien arabera. 

Dokumentuaren akzioak