Hemen zaude: Hasiera Hemeroteka Dantza mundua astintzeko asmotan

Dokumentuaren akzioak

Dantza mundua astintzeko asmotan

Astindu izeneko elkartea osatu dute Zumaiako dantza giroan mugitzen den lagun talde batek

Egilea
J.L. Romatet
Komunikabidea
Diario Vasco
Tokia
Zumaia
Mota
Albistea
Data
2011/05/29
Lotura
Diario Vasco
Dantzaren zaletasuna ondo errotuta dago Zumaian, baina beste herrietan ez bezala, elkarte edo talderik ez da izan azken urteetan. Beti Gazte taldeak utzitako lekua hutsik egon da urteetan. Herrian suma-tzen zen hutsune hori bete nahian elkarte berria osatu dute dantza munduan aritzen diren zenbait herritarrek. Hainbat izen eskutan izan eta gero, Astindu da elkarterako aukeratu duten izena. Eta izen berak garbi uzten duen bezala, hautsak harrotzeko asmoarekin jaio da.
«Ikusten genuen zenbait jende mugitzen zela dantza giro honetan eta talde antzerako bat osatzen genuela dagoeneko», diote elkarteko kide Jone Osa, Uxua Gainza eta I-tziar Uria Torreberriko entsegu lokalean. Beraiekin da Isaak Aranberri dantzaria eta Musika Eskolako dantza irakaslea. Dantza talde baino, elkarte bezala definitzen dute beraien burua.
Sortu berria den elkartearen lehen helburua formazioa dela diote. «Musika Eskolan ematen dira klaseak. Gu saiatuko ginateke dan-tza ikastetxeetara eramaten eta baita kalera ere. Dantza herrira hurbiltzea izango litzateke asmoa». Garbi utzi nahi dute elkartea ez dela sortu Musika Eskola ordezka-tzeko. «Haren osagarri bezala ikusten dugu gure burua. Musika Eskolan badago irakaskuntza sistema bat eta hari laguntza emango genioke».
Taldekide beraien prestakun-tzan ere lan egiteko asmoa erakutsi dute. «Euskal dantza tradizionaletatik abiatuta, beste estilo gehiago sartzen joan gara. Teknika ez dugu lantzeko aukerari izan eta azken urteetan pixkanaka sartzen ari gara Isaaki esker. Hutsune hori ere bete nahiko genuke».
«Poliki, poliki» etorkizunean emanaldiak antolatzen hastea ere planteatzen dute, bai Zumaiako talde beraren emanaldiak, bai kanpotik ekar daitezkeenak ere. Beste elkarte edo talde batzuekin elkartrukeak egiteaz gain, gaur egun egiten diren ikuskizunei ere bultzada ematea proposatzen dute: «Inauteriak, San Juan sutakoa...».
Uztailean ikastaro/emanaldi bat antolatzeko asmoa du Astinduk, nahiz eta oraindik gaia eta datak erabaki gabe dituen. «Asteburu honetako ekitaldiak prestatzen murgilduta egon gara. Bazkideak inguratzen direnean, bildu eta plangin-tza prestatuko dugu».
Izan ere, elkartea dantza zaletasuna duen orori zabalduta dago. Astinduko bazkide izateko 20 euroko kuota ordaindu beharko da (haurrek doan) eta nahikoa izango da astindu.zde@gmail.com helbidera mezu bat bidaltzea. «Zumaian freedance, baleta eta beste zenbait dantza estilo ematen dira. Dantza gustukoa duten lagun guztiak daude gonbidatuta».
Dantza mundua astintzeko asmotan

Dantza kalera. Ikuskizunaren aurretik, Erribera kalea kalejiran zeharkatu zuten dantzariek. :: ROMATET

Dokumentuaren akzioak