Dantza magistralak Aiko taldearekin, Donostian

Tailer monografiko horrek “oso jatorri anitza duten hiru dantza horien arteko antzekotasunak erakutsiko ditu. Dena den, Vienako aretoetan zein Poloniako landa guneetako festetan edo bilera flamenkoetan, dantzariak hiru bider lau konpasean mugitzen dira. Baltsak, mazurkak eta fandangoak dantza orokor kategoria lortu dute, eta erritmo ternarioen familiaren barruan, hiru dantza ezagunenetakoak dira”.

Patxi Laborda eta Sabin Bikandi AIKO Taldeko dantza maisuak izango dira. Bikandi musikaria eta konposatzailea da, eta euskal dantza tradizionalari buruzko ikerketa lan ugari egin ditu; Laborda, bere aldetik, koreografoa da, ikuskizunak zuzendu ditu.

Horren ostean, apirilaren 1ean, arratsaldeko 18:00etan, AIKO Taldeak bere udaberriko lehenbiziko erromeria antolatuko du Adunako herriko plazan. Eguraldiak laguntzen badu Bilboko, Durangoko, Errenteriako eta Donostiako dantzazaleak elkartuko ditu.