Hemen zaude: Hasiera Hemeroteka Dantza magiaren landareria

Dokumentuaren akzioak

Dantza magiaren landareria

Momix konpainia azken lana taularatzen ari da Bilbon: 'Botanica', naturaren multimedia ikuspegia

Komunikabidea
Berria
Mota
Albistea
Data
2011/03/30
Lotura
Berria

Txori kantuekin, Vivaldiren Lau Urtaroak lanarekin eta Peter Gabrielen musikarekin, naturaren aldaketak erakutsi nahi dituzte. Jantziak, irudiak, panpinak eta beraientzako eginiko efektu bereziak erabiltzen dituzte, mundu organikoaren etengabeko mugimendua irudikatzeko. Izan ere, metamorfosiaren ideian dago oinarrituta ikuskizuna. Gorputz bat txori, erle edo harri bilakatzen ikusiko dute antzokira joaten direnek. Umorea ere badu lanak: erleen sexualitatearekin eta bestelako izakien maite bideekin jolasten dira. Iaz, konpainiaren Opus Cactus lana ikusi ahal izan genuen Euskal Herrian. Publizitate munduan lan asko egin du taldeak, besteak beste iragarkiak, Mercedes eta BMWrentzat. Igandera arte arituko dira Arriaga antzokian, eta denera, zazpi emanaldi egingo dituzte. Gaur ikuslearen eguna izendatu dute, eta merkeagoa izango da sarrera, 7,20 eta 29 euro artean. Bestela, 9,60 eta 38 euro artean.

BOTANICA

Noiz. Gaur, 20:00etan.

Non. Arriaga antzokian, Bilbo.

Hurrengo emanaldiak. Ostiralean, 20:00etan. Larunbatean, 18:00etan eta 22:00etan, eta igandean, 19:00etan.

Dantza eta efektu bereziak erabiltzen ditu konpainiak. / MAX PUCCIARIELLO

Dokumentuaren akzioak