Dokumentuaren akzioak
Dantza-jauziek badute arrakasta Oiartzunen
Eguraldia lagun, 50 dantzari pasatxo bildu zen igande eguerdian Doneztebe plazan eta ordubetez aritu ziren jo eta su dan-tzan. Apirileko dantzaldian, gainera, bazegoen nobedaderik; izan ere, zuzeneko musikarekin dantzatu ahal izan zuten bertaratutako lagunek. Jon Garmendia txistuarekin, Xanet Arozena gitarrarekin eta Anaitz Arozena bateriarekin jarri zioten musika dantzari, modu bikainean.
Ordubeteko saioari Larrain dantzarekin eman zioten bukaera. Giro paregabea sortzen da hilero azken igandean Doneztebe plazan eta ikusle mordoxka ere biltzen da bertan. Hurrengo saioa maiatzaren 25an.
Larrain dantza dotorearekin amaitu zuten igandeko saioa. :: ARGAZKIAK GOIZARIN
Helduak eta haurrak dantzari, zein baino zein alaiago.
Dantzari profesional modura aritu ziren igandean.
Giro bikainarekin primeran dantzatzen da.
Amaieran, kalejira dantzatu zuten guztiek.
Dokumentuaren akzioak
