Dokumentuaren akzioak
Dantza-jauziak eta Kantu Jira, igande eguerdian
Ordubetez dantzari bikainak Doneztebe plazan
Giro bikaina zegoen igande eguerdian Doneztebe Plazan. Dantza-jauziak egiteko bikote mordoxka elkartu ziren, hileroko ohiturari jarraituz. Ordubetez ederki alaitu zuten plazako giroa. Baina dantza saioa amaitutakoan, kantuan aritzeko aukera zabaldu zuten igandean.
Izan ere, herriko Lartaun abesbatzako hainbat kidek antolatuta, lehen Kantu Jira egin zen. Plazan bertan bizpahiru abesti kantatu ondoren, Amaxkar tabernaren inguruan, Miren tabernaren aldamenean eta Kastroko iturriaren bazterrean jarraitu zuten kantu-kantari. Hilero egiteko konpromisoa hartu dute, laugarren igandean.
Ea hurrengoan lagun gehiago elkartzen diren.
Gero eta lagun gehiago elkartzen da dantza-jauziak saioan. :: GOIZARIN
Adin guztietako lagunak dantzan, giro bikainean. :: GOIZARIN
Lehen Kantu Jira egin zen igandean. :: GOIZARIN
Dokumentuaren akzioak
