Dantza izan da protagonista San Gregorion
Otsoak dantza taldeak ikuskizuna eskaini du auzoko frontoian. Haurrek zein helduek parte hartu dute emanaldian, eta ikusle ugari bildu da giro ederraz gozatzeko.
Ataungo San Gregorio auzoan jai giroa nagusi izan da gaur ere. Goizeko ekintzen ostean, arratsaldean Otsoak dantza taldeak ikuskizuna eskaini du frontoian. Haurrek zein helduek parte hartu dute emanaldian, eta ikusle ugari bildu da giro ederraz gozatzeko. Dantzaren ondoren, gazta dastaketa egin da, festari amaiera gozoa emanez.
Gaurko festak irailaren 3an izango du jarraipena, San Gregorio egunarekin. Azkeneko egunean meza santua, toka txapelketak, herri bazkaria eta mus txapelketa egingo dituzte.
