Hemen zaude: Hasiera Hemeroteka Dantza Hirian jaialdiak hamar egunez erritmoa ezarriko du hiri ugaritan

Dokumentuaren akzioak

Dantza Hirian jaialdiak hamar egunez erritmoa ezarriko du hiri ugaritan

Komunikabidea
kazeta.info
Mota
Albistea
Data
2011/09/22
Lotura
kazeta.info

Euskal Herriak leku garrantzitsua du festibalean, parte hartzen duten zortzi dantza konpainiatik lau hemengoak baitira. Hala nola Donostiako Ertza konpainia, Errenteriako Kukai konpainia, Irungo Irunbreak eta Eneko Alcaraz dantzaria Dantza Hirian dira. Beste taldeak Espainia, Frantzia, Belgika eta Greziatik helduko dira.

Duela sei urte, Dantza Hirian festibala hasi zenean hiru hiritan pasatzen bazen ere, aurten bederatzitan da gertatzen: Donostia, Irun, Ziburu, Azkaine, Hendaia, Errenteria, Baiona, Donibane Lohizune eta lehen, aldikotz Angelun emanaldiak antolatu dituzte.

Hirietako gune publikoetan dantza emanaldiak egiteaz gehigarriz, festibala ikastetxetara hurbiltzen da ere publiko berri baten hunkitzeko eta sensibilizatzeko.

Horretarako irailaren 21an Baionako Unibertxitatearen jatetxearen aurrean ( 12:15 ) eta Angeluko Montaury-ko� kanpusean ( 13:45 ) eta ondoko egunean Azkaingo frontoian ( 10:30 ) eta Hendaiako Gaztelu Zahar frontoian ( 15:00 ) emanaldiak izanen dira.

Aterpean, dantza sorkuntzen garatzeko
Bestalde, Aterpean proiektuaren bitartez, urtean zehar Dantza Hirianek artista batzuk errezebitzen ditu egoitza batzuetan. Helburua dantza garaikideari buruzko ikerketak, sorkuntzak eta hedapenak hiri eremuetan ahalbidetzea da.

Aurten, lehen aldikotz hiru bizitokitan gauzatu da Aterpean programa: Hendaiako Mendizolan, Biarritzeko Malandain Balletaren egoitzan eta Donostiako Dantzagunean.

( Xehetasun gehiago: www.dantzahirian.com )

 

Dokumentuaren akzioak