Edukira salto egin | Salto egin nabigazioara

Tresna pertsonalak
Hemen zaude: Hasiera Hemeroteka Dantza garaikidearen jaialdia

Dokumentuaren akzioak

Dantza garaikidearen jaialdia

Dantza Hirian jaialdia hasi da jada, eta irailaren 27ra arte dantzaren inguruko ekitaldi asko izanen dira

Egilea
A.M.
Komunikabidea
Berria
Mota
Albistea
Data
2009/09/16

Donostian, Irunen, Errenterian, Azkainen, Ziburun, Hendaian eta Baionan ospatzen ari da IV. Dantza Hirian jaialdia. Egun hauetan, zazpi herri horietako hainbat txokotan, dantza emanaldiak izango dira, baina baita haurrentzako dantza ikastaroak eta helduentzako topaketa eta eskola magistralak ere, azken horiek Donostiako Artelekun eta Errenteriako udal dantza eskolan emanen dira. Hori guztia, dantza elkarte, konpainia, artista , profesional eta ikasleen arteko harremana indartzeko eta, guztiaren gainetik, dantza sustatzeko. Gaur eta bihar, Dantzatzen diren hiriak bideo zikloa izanen da, 19:30ean, Donostiako Fnacen.

Hamaika dantza konpainiak hartuko dute parte kaleko emanaldietan: Mariantonia Oliver, Iker Gomez, Mikel Aristegi, Entretenidos, Natxo Montero, Irunbreak, Nats Nus, Decalage, Kukai, L'Adret eta Entremans. Horietatik sei Euskal Herrikoak dira, eta gainontzekoak, Frantzia, Espainia eta Ingalaterrakoak. Emango dituzten lan guztiak formatu txikikoak izanik, hau da, 15-20 minutukoak izanik, bi orduan ikuslea dantza ulertzeko modu ezberdinez gozatu ahalko da.

'DANTZATZEN DUTEN HIRIAK'

Noiz. Gaur, 19:30ean.

Non. Donostiako Fnacen.

Dokumentuaren akzioak