Dantza garaikidearen praktika sustatzea helburu duen sarea da Dagaz, dantza garaikideko talde amateurren sare bat sortuz. Aurretik Amurrion, Berrizen edo Hernanik egin bezala, sarea Zumaiara ere helduko da Aitor Jimenez (Getaria) dantzari eta bitartekari artistikoaren laguntzarekin.
Asteroko eta nozbehinkako saioak egitea aurreikusten du. Asteroko saioak martxotik ekainera bitartean egingo dituztela azaldu du, ostegunetan, 19:00etatik 20:30era, Zumaienako gimnasioan. Aitor Jimenez berak eta Euskal Herriko koreografoek gidatuko dituzte saio hauek, eta hiruilekoko matrikula 30 euro izango da pertsonako.
Noizbehinkako saioak egitea are aurreikusi du, martxoan, maiatzean eta ekainean. Prezioa 8 euro izango da pertsonako, saio bakoitzeko.
Publiko bezala ere gerturatu ahal izango da saio hauetara, baita dantza egiteko ere. Kasu honetan, prezioa emanaldiaren araberakoa izango da.
Saio hauetarako izena emateko dagaz@dantzaz.eus posta elektronikoko helbidera idatzi beharko da.
Ekimen honen berri emateko aurkezpen saio bat egingo da igande honetan, martxoaren 7an, Torreberrin, goizeko 11:00etatik 12:30era bitartean.
