Hemen zaude: Hasiera Hemeroteka Dantza eta kaskarotak asteburuan

Dokumentuaren akzioak

Dantza eta kaskarotak asteburuan

Hartzaro jaialdiaren harira, hainbat ekitaldi egingo dituzte; asteartea izango da egun handia

Komunikabidea
Berria
Tokia
Uztaritze
Mota
Albistea
Data
2010/02/11

Bihar Mizel Theret koreografo eta dantzariaren Dorrea ikusgarria izango da Kiroleta ezker paretan, 21:00etan. Larunbat gauean ere dantza ikusgarriak izango dira nagusi. Bi ikuskizun eskainiko dituzte Kiroletan, 21:00etatik aurrera. Lehenik, Hartzarorentzat Donostiako Aukeran konpainiak sortutako ikusgarria izango da. Eta ondoren, Mutur zikin, Bihotz Bero. Olentzeroren mitoari loturik, Beñat Amorenak eta Mizel Theretek sortutako ikuskizuna da. Azken horretan, Burrunka taldeak eta dantzariak agertuko dira.

Igandean, ekitaldiak goizetik hasiko dira. Kaskarotek eta txarangak alaituko dute Purgo auzoa, 09:00etatik aurrera. 10:00etan, berriz, gastronomiaren txanda izango da, Txilindron lehiaketa egingo dute; bertsolariak ere lagun izango dituzte, eta Hiru Karakoilak taldearekin animazioa izango da. Bazkaria egingo dute ondoren. Eta arratsaldean, mutxikoekin eta erromeriarekin bukatuko dute eguna.

Asteartean ospatuko dute Uztaritzeko inauteria. 18:00etatik gauerditra izango da jaialdiko momenturik nagusia: 250 lagunek parte hartuko dute: musikariak, dantzariak... 18:00etan hasiko da zanpantzarraren auzia. Urteko gertakari nagusiak aurkeztuko dituzte, eta ondoren, hartzaren iratzartzea eta abereen dantza egingo dute.

HARTZARO JAIALDIA

Non. Uztaritzen (Lapurdi).

Noiz. Bihartik asteartera bitarte.

Dokumentuaren akzioak