Dantza eta antzerki inklusiboa, Sopelan

Zapatu honetan, apirilaren 28an, Andrés Limak zuzendutako "El amor no dura para siempre (Romeos y Julietas)" ikuskizuna taularatuko dute, Sopelako Kurtzio kultur etxean. Hitzordua 20:00etan ipini dute; sarrerak 5 euroan egongo dira. Hala, Fritsch Company Maite Leon Psico Ballet fundazioaren konpainiako dantzariak igoko dira eszeriora; konpainiak aniztasun fisikoa, psikikoa, intelektuala, garapenekoa edo sentsoriala duten pertsonen laneratzea du helburu, eta arte eszenikoak erabiltzen ditu horretarako.

Komunikabidea

Hiruka

Tokia

Sopela

Mota

Albistea

Data

2018/04/27

Lotura

Hiruka

2014an, Lankidetza Koreografikoak proiektua ipini zuen abian Fritsch Company-k, inklusioaren alorreko profesionalen eta arte eszenikoen esparruaren artean zubia eraikitzeko.

Proiektu horren lehen ikuskizuna "Mesa para Tr3s" izan zen. Hiru koreografia biltzen zituen: Antonio Ruzen "Ballhaus", Patricia Ruizen "Café" eta Amaya Galeoten "Des/Envolturas". 2017an, Andres Limak Lankidetza Koreografikoen bigarren proiektua zuzendu zuen: "El amor no dura para siempre (Romeos y Julietas)", Zentro Dramatiko Nazionalaren Una Mirada Diferente (Bestelako begirada bat) festibalaren bosgarren edizioan estreinatu zena.

Antzezleak dira Ana María Alonso, Julen Serrano, Ana Fernández, Yael López, Germán Morales, Esther Gómez, Kube Escudero eta Ramón Marcos.

Dokumentuaren akzioak

Bidali hitzordua