Dantza flamenkoa Richard Serraren eskulturen artean

Sol Pico katalana dantza klasiko zein flamenkoaren mugak gainditzen dabil 1993. urtetik. La dona manca o Barbi-Superestar (Neska besamotza) lana sortu zuen 2003. urtean, eta Lluna Peluda (Ilargi Iletsua) bi urte geroago. Kataluniako Sari Nazionala eman zioten 2005ean. Israel Galvan espainiarra flamenko dantzari familia batean jaio zen, Sevillan, 1973. urtean. Andaluziako Dantza Konpainian sartu zen 1994an eta urte gutxiren buruan flamenkoaren hiru sari nagusiak eskuratu zituen. Paella mixta sortu zuen 2002an, Picorekin.

Dantza. Encuentro, Sol Pico eta Israel Galvan. Lekua: Guggenheim museoa, Bilbo. Noiz: Gaur eta bihar, 13:00etan eta 19:00etan.