Dokumentuaren akzioak
Dantza eskolan: Dantzabidea
Seigarren mailako ikasleak dantzari garaikide gisa aritu ziren astebetez Barañaingo auditorioan
Aste honetako lanaren amaiera gisa, Barañain Auditorioan ikasleek lau dantza-lan burutu zituzten eta Dan-tzaz taldeko nazioarteko dantzariek Harri, Orri, Ar izeneko lanaren behin betiko muntaia estreinatu zuten, Nora Bengoetxea gidapean.
Aipatutako konpainiako sei dantzariak gure eskolan egon ziren. Seigarren mailako ikasleekin batera bi dantza-lan asmatu eta gogotsu entseatu ondoren, prest geratu ziren estrenaldirako. Saioez gain, elkarrekin egon ziren bazkalorduetan eskolako jantokian, beraien arteko harremanak biziki garatu zirelarik.
Azkenik, egun nagusia iritsi eta, Barañáin Auditorioa beteta izanik, ekitaldia burutu zuten, bukatzean txalo berosk jaso zituztelarik.
Esan bezala, benetan esperientzia polita! Ziur dantza garaikidearekiko jakinmina ikasle bat baino gehiagorengan sortu dela. Ah, eta gure eskerrik beroenak honetan parte hartu duten pertsonei, bereziki seigarren mailako ikasleei eta bere monitoreak izan diren Olaia, Séme, Gill, Juliana, Miren eta John dantzariei. ZORIONAK GUZTIOI!
Gogor entseatu zuten gure ikasleek ikuskizun on bat eskaintzeko. (ALAITZ IKASTETXE PUBLIKOA)
Dokumentuaren akzioak
