Dantza erakustaldia eta afari herrikoia ospatuko dira, Txikitxu-Arrostaitz taldeen urteurrenetan

“Oinak dantzan” ekimenaren barruan, dantzak eta musikak Uarkape beteko dute, urriaren 23an. Herritarrak gonbidatuta daude noski.

Irailean taldekideek eta arrasatear ugarik Herriko Plaza bete zuten, aldarte onean. Hurrengo zita Uarkape Udal Frontoian izango da, urriaren 23an (hau da, hurrengo zapatuan).

 Arratsaldeko 18:00etan hasiko da dantza erakustaldia, eta bertan parte hartuko dute:

• Arrasateko Gaiteroek
• Arrasate Musikaleko kideek
• Udalaxpe Txistulari Taldeak
• Erraldoi eta Kilikien Konpartsak
• Txikitxu-Arrostaitz Dantza Taldeko txistulariek eta dantzariek

Gau horretan, afari herrikoia ospatuko da Uarkapen bertan. Tiketak salgai daude Basati eta Kajoi tabernetan. Antolatzaileek herritarrei gonbidapena luzatzen diete: “Ongietorriak izango zarete”.