Dantza arantza artetik atera zutenak gogoan

Dantza saioa, bazkaria eta erromeria izango dira asteburuan, Arantzarte dantza taldearen urtemugan

Arantzazun sortu zen taldea, 1974ko maiatzean. Horko eta Arteagako jendea ziren batik bat, eta hortik datorkio izena. Baita dantza «arantza artetik atera» nahi zutelako. Gaur egun, Igorreko dantza taldea da. Bertako kultur etxean bilduko dira urte hauetan guztietan taldeko kide izan direnak. Biharko dute ordua jarrita, 21:00etan. Ordu eta erdiko dantza saioa izango da, gutxi gorabehera. Goratzi Sagarna gaztea omenduko dute ekitaldian. Sarrera doakoa da. Iaz hil zen Sagarna.

Larunbatean kalera aterako dute festa. 11:00etan umeentzako jolasak eta tailerrak izango dira. 12:00etan triki poteoan ibiliko dira, trikitilariekin. 14:30ean, azkenik, herri bazkaria izango dute, eta segidan erromeria Obaneuke taldearekin, eskoletako aterpean.

35. URTEURREN FESTA

Noiz. Bihar eta etzi.

Non. Igorren (Bizkaia).