Edukira salto egin | Salto egin nabigazioara

Tresna pertsonalak
Hemen zaude: Hasiera › Hemeroteka › Dancehall Master Class ikastaroa antolatu da gaztetxean

Dokumentuaren akzioak

Dancehall Master Class ikastaroa antolatu da gaztetxean

Larunbatean, arratsaldeko 5etan, Raquel Koroma Dancing Princess gaztetxean izango da berriz ere, Usurbilgo 2. Dancehall Masterclassa emateko prest. 17.00etan hasiko da klasea eta 2-3 orduko iraupena izango du. Prezioa 15 eurokoa da, baina langabeek eta ikasleek 10 euro ordainduko dute eta haurrek 5 euro. Izena emateko 627285904 telefonora deitu daiteke edo email bat bidali usurbilgogaztetxea@gmail.com helbidera. Parte hartu nahi dutenek arropa erosoa eraman beharko dute Usurbilgo gaztetxeko kideek adierazitakoaren arabera, eta ondo pasatzeko gogoa, noski. Era berean, ordurako etortzea ere eskatzen dute, puntual hasteko.
Egilea
Josu Aranberri
Komunikabidea
Diario Vasco
Tokia
Usurbil
Mota
Albistea
Data
2013/05/02
Lotura
Diario Vasco

Dancehalla dantza mota bat da, reggaeton eta hip-hoparen nahasketa bat. Reggae mota bat da, baina gehiengoak en-tzun ohi duena baino askoz ere erritmo azkarragoak ditu. Raquel Koroma karrera luzeko dantzaria da, eskarmentu handia du irakasle-lanetan, eta nazioarteko artista askorekin egin du dantza. Espainia mailako dancehall dantzaririk onenetakoa da nazioarte mailan burututako jarduera etengabea dela eta

Ez da datozen egunetarako iragarri duten hitzordu bakarra. Maiatzaren 9an afari herrikoia izango da borondatearen truke 20:30etik aurrera. Afariko osagaiak herriko azokako zein herriko produktuak izan daitezen saiatuko dira, plateretan ez da egongo haragirik ez eta arrainik ere, barazkiduna 100%. Afalostean musika zuzenean ere izango da girotzeko, sorpresarik ez da faltako.

Ikastaroak

Bestalde, ikastaro desberdinak egiteko aukera ere izango da. Einean Guraso Eskolak antolatuta patinatze ikastaroa izango da eurei baina baita norbanakoei ere zuzenduta. Maiatzaren 4, 11, 18 eta 24an burutuko dira saioak, 16:00etatik aurrera, Udarregi Ikastola aurreko patio borobilean.

Izen emateko aukera egongo da bihar eta ezti, 10:00-11:00 artean, 609 41 38 83 telefonoan. Prezioa, 5 euro. Ordainduko kopuru honekin, ikastaro amaieran askari bat egin nahi da. Ikastaroan parte hartzeko kaskoa eta babestekoak beharrezkoak dira. Antolatzaileak ez dira gerta daitezkeen istripuen kargu egingo. Ikastaroaren ostean, aukera egongo balitz, hitzorduak jarri eta patinetan ibiltzeko taldea osatzea litzateke asmoa.

Gaztelekuak, berriz, makillaje ikastaroa antolatu du maiatzaren 6an, 17:00etatik 19:00etara bitartean. DBH 2 eta DBH 3 mailetako ikasleei zuzendua dago eta prezioa euro batekoa izango da. Izen ematea Gaztelekuan.

Dokumentuaren akzioak