Cubako Ballet Nazionalak Baluarte Fundazioaren denboraldiari hasiera emango dio datorren astean

 Zehazki, gurera egiten duen bigarren bisita honetan, Alicia Alonso handiak sortu zuen eta oraindik ere zuzentzen duen konpainiak balletaren errepertorioko Don Quijote maisulana taularatuko du urriaren 9an, ostiralarekin, Camacho-ren ezkontzak obraren pasartean oinarrituta, Miguel de Cervantes-en Don Quijote eleberriaren bigarren atalean biltzen dena.

Marius Petiparen ballet klasikoaren bertsio kubatar hau 1988an estreinatu ondoren, “Kubako Ballet Nazionalak dantzaren historiako Quijote ederrenetariko bat” lortu duela esan zuen kritikak; izan ere, gurean gozatzeko aukera izango dugun Don Quijote-ren bertsioa goraipatuenetariko bat da.

Sarrerak 18, 28 eta 36 eurotan ohiko kanaletan eskura daitezke (Baluarte Gaztea Programarekin, 5€): www.baluarte.com web orrian, Baluarteko txartel-leihatilan eta 902 15 00 25 telefonoan. - See more at: http://www.baluarte.com/eus/berriak/-/cubako-ballet-nazionalak-baluarte-fundazioaren-denboraldiari-hasiera-emango-dio-datorren-astean#sthash.IuP07vU7.dpuf