Dokumentuaren akzioak
Busturialdeko dantzari nagusien topagune izango da zapatuan Ibarrangelu
19:00etan hasiko da herriko frontoian izango den dantza ikuskizuna. 140 dantzari inguru batuko direla jakinarazi dute, eta ohi legez, dantza ugari eta askotarikoak ikusteko aukera paregabea izango da Ibarrangelun.
Eskualdeko herrietatik iritsiko dira dantzariak Ibarrangelura. Bertan bilduko baitira herrikoa den Lorea dantza taldea, Bermeoko Alkartasuna, Mundakako Gazte Zar, Busturiko Irrintzi Alai, Foruko Urdaibai, Gernika-Lumoko Elai Alai eta Gautegiz Arteagako Artie dantza taldeak, hain zuzen. Horiez gain, eskaldekoak ez izan arren, Bakioko Itxas Alde dantza taldeko neska-mutilek ere parte hartuko dute Busturialdeko dantzarien egunean.
Dantzak amaitu ostean, dantzariek elkarrekin afaltzeko aukera izango dute, eta Lagan batuko dira horretarako. Ondoren, dantza gehiagorako tartea ere izango dute, afal osteko erromeriarekin.
Dokumentuaren akzioak
